سؤال لازم تساليه لنفسك

السلام عليكم ورحمه الله وبركاته

ازيكوا يا فتوكات

الانسان ماينفعش يعرف من غير مايسأل
ومايعرفش يتعلم من غير ما يسأل
ومابيعرفش حاجات كتير الا لما بيسأل

ديه حاجه مفروغ منها

بس الاسئله مش نتعلم بيها وبس
الاسئله كمان عشان نحاسب بيها
ومالناش نحاسب اى شخص فى الدنيا الحساب لربنا سبحانه وتعالى
بس نقدر نحاسب نفسنا ونسألها

والسؤال الى لازم تسأله كل بنت

هل انا ينفع يتقال عليا مسلمه
بحجابى وبطرحتى وبشكلى وباخلاقى
هل ينفع اكون بيهم مسلمه

يعنى لما تدخل عليا السيده خديجه
ترضى عنى وتبصلى كأنى خير ذريه للاسلام والمسلمين
ولا هتبصلى ازاى

ومايقفش الكلام والحساب عند كده
لازم كمان كل بنت تسال نفسها

هل انا ينفع اكون ام لاولاد لسه صغيرين
تعليمهم الوحيد منى
اخلاقهم تبقى زى اخلاقى
طباعهم ياخدوها منى
تأسيسهم زى تأسيسى

ومابتخلصش الاسئله هنا
لازم نفكر كويس فلى بنعمله
يرضى ربنا ولالا
على سنه رسوله (عليه الصلاة والسلام)ولا لا
مسلمين بجد ولالا


انا مش عامله الموضوع ده عشان حد يخش يقولى
جزاكى الله خير او او او او
انا عايزاكوا تتناقشوا معايا فى الموضوع ده
او لو حتى مش هتتناقشى جاوبى على السؤال ده قدامنا
وكأنك بتحاسبى نفسك وبتكلميها

بس بصراحه

مستنيه ردكوا على السؤال ده

هل اصلح اكون ام مسلمه لاولاددى الصغيرين


مع السلامه
وماتنسوش تردوا السلام

امــــــــ(فـــ(الله)ــــى)ـــــــــانه

باب النقاش مفتوح
عشان نفيد ونستفيد

موضوعك رائع فعلا وجزاك الله عليه الخير بصي انا شايفه ان دي مساله نسبيه يعني زي ما انتي اتعلمتي من اهللك هتعلمي اولادك وصدقني البيئه نفسها بتفرق كتير في شخصيه الواحد مننا يارب نكون قد الامانه الي ربنا عطاها لنا ربنا يجعلهم كره اعيننا واكيد كل واحده بسال هل ينفع اكون ام صالحه لاولادي
يارب يقدرني واكون