اتيكيت التعامل بين الأزواج داخل وخارج المنزل ....حصري

حبيباتى الغاليات على قلبى
موضوعنا بيتكلم عن
اتيكيت التعامل بين الازواج داخل وخارج المنزل
والنقاط المهمة لتعامل بيننا وازواجنا
داخل وخارج المنزل نتفادى اى احراج للطرفين
وشرح النقاط ومناقشتها

اتيكيت التعامل بين الأزواج داخل وخارج المنزل ....حصري 12903714721916

اتيكيت التعامل بين الأزواج داخل وخارج المنزل ....حصري 12903714721916

نتكلم اولا عن خارج المنزل

كل واحده فينا بتحب تخرج مع جوزها وأولادها خروجه حلوة ونفسها تلف معاهم الدنيا وطبعا نحب تبقى كل خروجاتنا جميلة لا تشوبها اى شوائب
يعنى لا عكننة ولا مشاكل ولا نآر
وعلشان نقدر نوصل بخروجاتنا مع بعض كده
فيه بعض النقاط المهمة اللى لازم نراعيها
هنقسم الخروجات ل:
خروجه عائليه
(يعنى مع زوجك واولادك )
خروجات منوعه
( يعنى عزومات وزيارات عائليه )

الخروجه العائليه

*بدايه الخروج:

** اختارى وقت مميز لطرح الفكرة

لما تيجى تحددى موعد للخروج اختارى وقت كويس تتكلمى مع زوجك فيه يعن ما يبقاش مشغو او جاى من برة مضايق وتقويله انا عايزة اخرج و تحسسيه انه أمر مفروض عليه

** اختارى البس اللى يرتاحله ويحب يشوفك لابساه

بعد ما جوزك يوافق وتمام
يعن متروحيش تلبسى حاجه مش عاجباه او مش مرتاحلها وانتى بتختارى خدى رأيه الرجاله بتحب كده اوى

** متكتريش مكياجك

يعنى لو مش بيحب انك تحطى مكياج بلاش مش ضرورى منه ولو بتحطى مكياج فى الخوج متكتريش
ليه
علشان متبقيش حلوة اوى والناس تبصلك وتتنحلك و يبقى ماشى جنبك كل الناس بتبصلك ويضايق ويفضل طول ماهو ماشى يئنبك على اللى انتى عاملاه

** المكان

سيبيه يحدد المكان ولو مش عاجبك قوليله طب ايه رايك لو روحنا المكان الفلانى انا بحبه او لانه لينا انا وانت ذكرى حلوة فيه وفكره بيها
وهو اول واحد هيجرى عليه

* منتصف الخروجه:

** وصلتو المكان اللى اتفقتوا عليه

( وليكن مطعم )

- طبعا اول ما تقعدو متستنيش انه يطلع الكرسى اودام شويه ممكن ميكنش واخد باله اقعدى عادى متبوظيش الخروجه ولما قعدى اقعدى اودامه فى المقابل ولو فى اولاد خليهم يقعدو برة وتقعدى انتى جوه علشان محدش يخبط فيكى وهو معدى وكمان علشان الاطفال يبقى سهل ليهم الحركة

- طبعا هو اللى ياخد المنو اول وخليه يختار وبعد كده هو اللى هياخد رايك

- لما الاولاد يتشاقو بلاش تزعقى وتعلى صوتك كفايه بصه منك تقعدهم ساكتين

- وقت دفع الحساب متبديش اى رد فعل تجاه ان الفاتورة غاليه او رخيصه

( وليكن هتتمشوا تتفرجوا على المحلات )

- لو انتى حاطة فى دماغك تشترى حاجه لازم تعرفيه انك هتشترى علشان مايفكرش انك بتحطيه اودام امر واقع
ويبقى مش عامل حسابه فى فلوس بزياده ويضايق ويعكنن عليكى

- متحاوليش تقفى اودام الباترينات كتير طالما مفيش حاجه شداكى فيها

- متفاصليش لو هتشترى حاجه لان الرجاله مش بتحب الفصال

وبينى وبينكم الفصال قله قيمه
هتفاصلى فى كام فى 5 او 10 او حتى 20 جنيه متستاهلش والله

( وليكن هتقعدوا على الكورنيش )

يا سلام على القعده على الكورنيش والهوا

وانا وحبيبى سوا
يحلى الكلام واسترجاع الذكريات الجميلة

* نهاية الخروجة *

طبعا خلصنا خروجتنا وروحنا البيت

** هى هى نفس الابتسامة ونفس السعاده
نفس الابتسامة اللى على وجهك وانتى نازلة من البيت تبقى هى نفس الابتسامه اللى على وجهك وانتى مروحه
ليه
علشان زوجك ما يحسش انك كنتى بتضحكى فى وشه علشان غرض ولما انتها خلاص خلص الكلام الجميل واللحظات الرومانسية ونسيتى كل حاجه حلوة عملهالك وانتو خارجين

** كلمة ابرك من 10
يعنى مقعديش تقوى وعيدى ف احداث اى حصلت وانتو خاجين
فقط اشكرية بكلمة حوة يحب يسمعها منك ودعوة جميلة منك مميزة علشان كل ما تيجى تخرجو مع بعض يسمع منك كلام حلو يكسر روتين الحوارات اللى بينكو وبعد كده هو اللى يجى يطب منك تخرجو عشان يسمع منك كلمتين حلوين

** متبوزيش فى وشه
يعنى لو كنتو روحتو مكان مش عى هواك وهو مراحله قويله فا كان عندك حق مكان ده ميل بس امرة اللى جايه الاختيار عليا وهو هيقولك ماشى يا جميل
مش تعكننى عليه وتقوليه لاء متبسطش لاء المكان وحش
علشان يحب تخرجو تانى

الخروجات المنوعة

* عزومات و زيارات خارج المنزل

- طرح الفكرة

طبعا زى ما قلنا الاول لازم تختارى وقت مناسب لطرح فكرة العزومة
سواء كنتوا معزومين او هتعزموا حد
يعنى متحطيهوش اودام امر واقع
ممكن ظروفه الماديه متسمحش تعزموا حد او ظروف شغله متسمحش انكو تعزموا حد فى الوقت ده
ومتبينيش اودامه انك اتزنقتى ولازم تعزمى او تقبلى دعوة
انه كده ان كان فى عقله يرفض 50% انتى كده بتزودى النسبة لكن لو حسستيه انك عادى ممكن تظبطى امورك وتخليه هو يفكر شغله ويسبها عليكى وعلى ربنا كده انتى بتقللى نسبة الرفض وممكن يوافق طالما هتريحيه من المسئوليه

- لازم تكبريه اودام الناس

يعنى لما تيجى واحده صاحبتك تعزمك موافقيش على طول لازم تفهميها انك لازم ترجعيله الاول علشان ظروف شغله علشان لو موافقش تلاقى حجه تقديميها للاعتذار
وطبعا لما تيجى تعزمى فهمى اللى اودامك ان زوجك مرحب جدا بالعزومة وياريت وهتبقو سعداء جدا يعنى متحسيسيش اللى بتعزميهم انك بتتصرفى من دماغك

- راعى أزواق الأخرين

يعنى انتى من خلال تعاملك مع اصحابك ومعارفك عارفه ازواقهم فى الاكل ايه يعنى تعملى حسابك وانتى بتجهزى سفرتك انك تنوعى فى الاصناف اللى بيحبوها وكمان اللى انتو بتحبوها علشان ترضى جميع الاطراف
وتبقى مجهزة ميزانيتك على كده
علشان متتفاجئيش انك عملتى اصناف مش بيحبوها وبوظتى الليله على الفاضى
وكمان ابعدى عن الاكل الجاهز ده بيدى احساس للطرف التانى انه مش معموله حساب لزيارته وانك مش فاضيه تنوعيله او مش
عايزة تتعبى نفسك لراحتهم
وكمان مفيش احلى من البيتى اوفر وموثوق فى نضافته مهما كنتى مكلفه وجايبه اغلى حاجه

- متتشرطيش وتملى شروطك على الناس

يعنى زى ما انتى بتفكرى ازاى تبدعى اكيد الطرف التانى لما هيعزمك هيبدع هو كمان
ولو حصل انكو اتعزمتو وعملو اكل مش بتحبوه بلاش نظرة الاذدراء والتأفف تبان عليكم لان ده هيجرحهم جدا ويحسسهم بالنقص مهما كانو مكلفين نفسهم
كلى انتى وزوجك واولادك ولو لقمة بسيطة وبعدين متقوميش على طول زى ما تكونى ما صدقتى كلى بتأنى و بطء لغايه ما ينتهى الامر
وطبعا كلمتين حلوين جبران خاطر بعد الاكل وتساعدى معاهم فى شيل الاطباق لغايه لما هما يغصبو عليكى متعمليش حاجه

- خدى بالك من

1- متحاوليش تدلعى جوزك كتير اودام الناس علشان و اطرفاتانى مش سعيد زيكم فى حياته ميتأثرش ويبقى فى حزازيه فى نفسيتهم
2- متدخليش حياتكم الشخصيه واسرار بيتك فى اى نقاش حتى ولو بتضربى مثل فى حاجه او تتناقشى فيها
3- متظهريش عيوب زوجك او اولادك فى الحديث المتبادل
4- متستعرضيش باى حاجه حلوة عندك او هديه جبهالك جوزك او رحلة ناويين تعملوها سوا
5- لو حد من اولادك عمل حاجه غلط متحاوليش تزعقى او ترفعى صوتك او تضربيه اودام حد علشان الحركة دى بتضايق الناس وبتقلب بعكننة وكمان علشان نفسيه ابنك او بنتك متأثرش

أكمل لما اشوف التشجيع منكم

» اتيكيت مقابلة العريس لأول مرة ( الإنطباع الأول )
» كيفيه ترتيب المنزل في نصف ساعه
» اتيكيت الثقه بالنفس
» اتيكيت التعارف لأول مرة
» اتيكيت الخروج من المواقف المحرجة بلباقة