ام رؤى حماده ترحب بكم وتتمنى لكل الاعضاء قضاء وقت ممتع معنا
ندعوكم لزيارتنا دائما لمتابعه كل ماهو جديد وممتع لدينا
بشرى ساره لعرايس الاسكندرية فرع جديد لدى جى رؤى بالإسكندرية
تنبيه هام : نحذركم من التعامل مع اى شخص بخلاف ام رؤى حماده او ابو رؤى ( محمد حماده ) ليس لنا مندوبين ونحذركم من التعامل مع الوسطاء او المتعهدين او منظمى الحفلات
ازيكم يا قمرات النهارده جاية اقولكو على الجديد والغريب عندى
لو انتى عروسة وناوية تعملى فرحك منفصل وعايزة تفرحى وتعملى حاجه جديده هتلاقيها معايا ان شاء الله
كتير بيسمعو عنى وعن شغلى وعن الإنقلاب اللى عاملاه فى دمياط وبيسألو كتير عن البرنامج بتاعى وكتير بيقولو ايه الجديد ما هو دى جى زى اى دى جى لاء يا موزتى طبعا مش زى اى دى جى ده
دى جى رؤى
اللى صاحبته
ام رؤى حماده
اللى هى
اول ديجيهاية حريمى بدمياط
يعنى اول سيده فى دمياط تقتحم سوق الافراح والديجيهات وتعمل دى جى تنافس بيه اشهر ناس فى عالم الافراح و بالاخص الافراح المنفصلة اللى بيبقى فيها العروسة وصديقاتها والسيدات بصفة عامة فى قاعه والعريس فى المسجد او قاعة تانيه
نيجى بئه للأختلاف في ايه
أولا مش كل دب ورزع يبقى دى جى ومتفهميش اى كلمة من الى بتتقال ومتسمعيش غير دوشة وبس أنا بئه الصوت عندى واضح تسمعى الكلمات وتقدرى تميزيها وتفهمى اللى بيغنى بيقول ايه وده طبعا لانى والحمد له وماشاء الله بستخدم احدث اجهزة تقنيه الصوت فيها محسنات للصوت على جوده عاليه
ثانيا مش اى اغانى بتشتغل وخلاص يبقى ده الدى جى أنا بئه عندى كذا برنامج منوع حسب جو كل حفلة والمكان اللى فيه وطبعا تنسيق الاغانى ده اهم حاجه فى شغلى وتتابعها ورا بعض حسب سخونة جو الحفلة
ثالثا الديجيهات بتشغلك الموجود عندهاوهو ده اللى موجود وخلاص أنا بئه بنسق الحفلة مع العروسة من اول مارش الدخول حتى مارش الختام وباخد كل طلباتها ونسقها داخل البرنامج بتاعى حسب رغبة العروسة علشان تطلع من الحفلة زى ما هى رسمتها فى خيالها واحسن
رابعا فى عرايس كتير لما بيعملو فرحهم بيرسمو فى خيالهم الرقصة السلو بجو معين أنا بئه الرقصة السلو دى تعتبر اهم فقرة فى الفرح لانها اللحظه الى بتجمع العروسة مع عريسها فى اجمل لحظة فى اجمل ليلة فى العمر ودى طبعا بنسقها برأيى ورأى العروسة سوا وبتبقى عبارة عن ميكس لاغنيتين عربى واجنبى فى بداية الحفلة وفى نهاية الحفلة بتبقى ميكس من 4 او 5 اغنيات فأكثر ودى بطول فيها علشان بنخلى اصحاب العروسة وصديقاتها وكل اتنين متجوزين او مخطوبين يشاركوهم الرقصة ويفرحو معاهم
خامسا بعمل فرحين فى فرح فرح للعروسة والسيدات لواحدهم وفرح تانى من اول وجديد لما العريس بيجى وينورنا
أولا بعملك جو زى الفرح العادى واحسن الاختلاف الوحيد ان مفيش فى القاعه معانا رجال يعنى كلنا بناخد راحتنا وبنرقص ونهيص وبنفرح للعروسة بدون اى قلق من ااختلاط
ثانيا بعملك فقرات وكل فقرة ليها اغانيها يعنى فقرة مع صديقات العروسة وفقرة من ست الكل والبركة مامت عروستنا واخواتها البنات وقريباتها وفقرة لنوارة الحفلة ست الكل اللى جابتلنا عريس زى الفل مامت العريس واخواته البنات و قريباته فقرة للعروسة والعريس بتبقى عبارة عن فقرة اهداءات عريسنا بيقول على عروستنا ايه وعروستنا بتقول على عريسنا ايه وطبعا اهداء من العروسة للعريس ومن العريس للعروسة ولو عرسانا جريئين شويه بنخليهم يغنو وكلنا نرد وراهم
ثالثا ودى اهم فقرة فى الفرح فقرة العريس ودى فقرة اسبيشيال ازاى بئه لما العريس بيجى من المسجد او لو هو فى قاعة تانيه لما بيدخل العريس والعروسة مش منقبة احيانا بيدخل معاه افراد العيلة من الرجال يعنى بابا العروسة واخواتها الشباب بابا العريس واخوانه الشباب الاعمام والخيلان فى الحالة دى بيدخل حمودتى حبيبى ابو رؤى وبيدخل مع العريس وبعد ما يرقص الرقصة السلو نرجع تانى من اول وجديد مع عريسنا ونعمل فرح تانى بيبقى فيه الشبا مع العريس فى جنب وطبعا حماده زوجى معاه المايك بتاعة وانا مع البنات على الجهاز ومعايا المايك بتاعى فى جنب وبنعمل دويتو رهيب بنرد فيه على بعض بالاغانى ونفضل نرقص كلنا ونهيص لعريسنا وعروستنا لغاية ما كل اللى فرح يرقص ويهيص ويطلع اللى فى نفسة ويطلع الكبت اللى عنده هههههههههههههه
الرئيسية
أحدث الصور
موضوع: لو عايزة فرحك منفصل أو إسلامى مع ام رؤى ليه شكل تانى 
الإثنين 24 يناير 2011, 7:16 pm
