عنـدك بطـاطـا ومحتـارة تعلمـى بيهـا إيـه ... عندى ليكى احلى والذ وصفة

بسـم الله نبـدأ


صينيـة بطـاطــا بجـوز الــهنـــــــــــد


المقــاديــر


بطـاطــا مبشـورة


سكـر


جـوز هنـد


روح الموز


1\2 كوب سمـن (بلدى او زبـدة ) انا بحط الاتنين


كوب كبير لبـن


الطـريقــة


أولاً : نبشـر البطـاطـا بالشكـل اللى فـى الصـورة دا وطبعـا حسب حجم الصنية اللى هتحطى فيها هيكون مقدار البطاطا





ثــانيــا : نجيـب السكـر وجوز الهنـد وبرده السكـر حسب كميـة البطـاطا المبشورة ومقاس الصنية اللى هتحطى فيهـا بس عموما انا حطيت 2 كوب سكر وكوب جوز هند وعادى ممكن تكترى وتخلطيهم بالراحة خالص بحيث كل المبشور يبقى اتخلط مع السكر وجوز الهند





ثـــالثــا : بسـرعة فـائقـة نجيب صنيـة ونحـط نص كميـة المبشـو وتفرديها ف الصنيـة وتسـاويها وتظبطيهـا


وتجيبى بقى جوز هند وزبيب وسودانى ومكسرات اللى موجود عندك يعنى كده عملنا اول طبقة وعليها حشو





نجيب باقى البطاطا المبشور وة ونحط الطبقـة التـانية وبرده تظبطيها زى اول طبقة


ملحوظة انا ليه قولت نجيب بسرعة فائقة لان البطاطا بتقوم منزله منها ميه كده ف احنا مش عايزين المية دى كلهاا لاننا لو ضفنا البطاطا بالمية بتاعتها هتعجن ف الافضل نعمل بسرعة مع اخذ قليل من المية اللى بتنزل منها دى


=================



رابعـــــا : نجيـب السمن انا قولت انى بحط نص المقدار بلدى ونص زبدة بيكون احلى ونسيحهم على النار


نضيف عليهم كوب لبن من الكبير + قليل من روح الموز (مش جبنا موزة وقبضنا روحها ولا حاجة .. دى بتتباع فى المحلات عادى) حوالى 3 لـ 4 نقط كده وممكن تضيفى فانيليـا برده وتقلبى اهم حاجة الوصفة دى هيا روح الموز بتدى احلى طعم واحلى ريحه فدى حاجة اساسية


خـامســا : توزعى الخليـط داا على البطاطا بحيث كلها تبقى تشربت الخليط


وممكن على الوش تحطى مبشور جوز الهند من الحجم الكبير





ســادســا : ندخلهــا الفـرن على حرارة متوسطـة او هـادية شويـة لحد ما تستوى وبعدين تفتحى الشوايه تحمرى الوش لو مكنش اتحمر يعنى

وبكــده اكــون خلـصت هااا مفهوم عاوزة تقييم