سى السيد؟

ازيك يا هيومة
موضوعك جميل جدا فعلا
اسمحيلى اتكلم باستفاضة
لو تقصدى سى السيد بتاع زمان
لاء انا من وجهة نظرى انه كان انسان ظالم ومتكبر
لانه فى معاملته مع اهل بيته كانت طريقتة وحشة جدا ومفيش واحده تستحملها
وكان بيعامل الناس برة بطريقة مختلفة خالص وبخاصة النساء الساقطات
وده فى حد ذاته حرام ومش حلال
لان اهل بيته اولى بالمعاملة الحسنة عن اى حد

نيجى بئة لنقطة احب جوزى يبقى سى السيد ولا لاء
معنى سى السيد فى وجهة نظرى انا
انه يكون انسان يصعب التاثير عليه من الاخرين
وانه يكون انسان ميرضاش بالغلط ولا يحب ان ينظر للغلط او الحرام
ومن النوع الصريح يعنى يقول للأعور انت أعور بدون احراج مع مراعاة المشاعر
وأنا جوزى كده مع الناس لكن بيجى لغاية البيت وبيبقى عارف انه له زوجه واولاد لهم الحق فى الكلمة الحوة وليهم حق عليه
وبيبقى انسان حنون وكريم جدا ورومانسى لاقصى الحدود
يعنى بالمختصر المفيد
ان الانسان اللى واقف اودامك ده سى السيد مفتاحه معايا انا
ودى حاجه تسعدنى جدا لأقصى الحدود

نيجى لنقطة الراجل بيبقى قوى لان الست غلبانه
اقولك من الاخر مفيش ست غلبانه
ههههههههههههههه
الست هى اللى فى ايدها تعيش سعيدة ومتهنيه وهى اللى فى ايدها تعيش تعيسة طول حياتها
ازاى بئه ؟ اقولك
من اول يوم جواز الست والراجل يحطو فى دماغهم نقطة مهمة جدا ألا وهى
انهم بيتجوزوا علشان يبنو بيت مفيش حاجه فى الدنيا تهدمة مش بيتجوزوا لفترة ويعدين ينفصلو
من او يوم جواز كل واحد يأقلم نفسة على عيوب ومميزات التانى ويشوف ازاى يتفادى العيوب دى وإزاى يوظف المميزات دى لصالح نجاح حياتهم

نيجى لاهم نقطة
ان مفيش دلوقتى فى الشباب سى السيد فى الطباع لكن موجود سي السيد فى الاخلاق
يعنى تلاقى الواحد من دول خاطب واحده وسايبها فى البيت علشان يبقى ضامنها
ويخرج ويعيش حياته مع بنات تانيين كتير

ومعلش يا هيومة طولت عليكى اوى
بس انا بحب اوى اخد راحتى فى مواضيعك انتى بالذات
لانها كلها مواضيع جميلة ولها هدف ومضمون