توماتيوس بالفينو ومتستغربيش

انا داخلة المطبخ ومشمرة ايديا اهو
وهعملكو اكلة جااااااااااامدة مووووووووووووووووووت
ومتكلفكيش حاجه خااالص
ولا اقولك لا هتكلفك عشان الطماطم غليت
انا برغى كتير ليه هعملها اهو
ركزوا معاييا
المكونات
طماطم
فينو
بقدونس
بصل مبشور
ثوم مهروس 8فصوص مثلا
كمون
شطة كتير عشان بحبها هوت
فلفل اسمر
ملح
واخيراا قرفة
زيت
المعدات (حلوة المعدات دى)
مقوار المحشى
سكين
الطريقة الخطيرة

هنقور الطماطم ولازم تكون جامدة شوية عشان تستحمل
خلاص قورناها نحطها على جنب شوية ونحضر الحشو
هنحط الزيت على النار ونحمر البصل وبعدين هنحط الثوم وبعدين التواااابل كلها
وهنحط اللى طلعناه من الطماطم
وبعدين هنقطع الفينو قطع صغيرة ونضعها على الخليط ده ومعاه البقدونس ونقلبهم على النار لمده 5 دقائق
وبعدين هنولع الفرن
وناخود الخليط ده هنحطه جوا الطماطم بتاعتنا نحشيها واللى هيبقى من الخليط هنحطه فى الصينية ونحط فوقيه
الطماطم اللى حشيناها
ونسبهم فى الفرن لمده ربع ساعه او ثلث ساعه
وطلعيهم ودوقى يا قمر
وسيبيلى معاكى لاحسن انا جوعت اوى وانا بكتبها
وقولولى رايكووووووووووووووووووووووووو
بعد ما تجربوها مستنياكو

والله العظيم جوعتينى
وخصوصا انى لسة متغدتش والله
انا هقوم اجرب فى واحده دلوقتى واقولك طعمها ايه
استنينى

جربى يا قمر وبالهنا والشفا
تنبيه هاااااااااااااااااااااام

لو حصل حاجه

اتصلى بالاسعاف فورا ولو سالوكى مين اللى قالك قولى بحر الهيام ويبقو يدورا بقا على واحدة اسمها بحر الهيام
لا لا لا بجد هتعجبك والله لو عملتيها صح غير كده انا مش مسئولة
ههههههههههههههه

والله يا هيومة طلع طعمه لذيييييييييييذ جدا
ده انتى طباخة شاطرة اهه
طب يلا نزليلنا وصفات تانيه
وانا وراكى فى كل وصفة

الحمد لله انها عجبتك يا قمر
وان شاء الله هنزل حاجات تانية جديدة وتعجبكو برضه ان شاء الله

ايه الحلاوه دي يلا هاتي وصفات من دي كتير واحنا نجرب اكيد لاني بموت في المطبخ

تسلمى يا قمر