والله انا احترت

معلشى مهمها عملتى عمرك ما هترضى حد
اعملى ما يمليه عليك ضميرك وربنا يوفقك يا قمر

واللة يا ام نيجار
فى ناس كده مش بيعجبها العجب
وصدقينى وعن تجارب
تعالى شوفى اللى بتتكلم دى
شوفى فرحها هيبقى ازاى

فى مرة ناس حجزو معايا دى جى ويكون اسلامى دفوف فقط
ولما جه العريس ونزل المسجد
تعالى اتفرجى على اللى حصل
الاغانى قلبت عادى
والله والله
البنات عملو عمايل
قعدت اسئل نفسى طب كانو مشددين الاول ليه

فأنا مش هشغل بالى بالتفاهات دى

مظبوط والله الناس تحير

والله الناس ياام رؤي مبيعجبهاش حاجه وبعدين انتي مضربتيش حد علي ايده علشان تعمليلو فرحه اوحتي يشترك في المنتدي وعلي الاقل منعنا الاختلاط بين البنات والشباب واعتقد ان دي اكبر حرمانيه واكيدانتي سالتي كتير وعرفتي الصح من الغلط وربنا يوفقك

ربنا يخليكو ليا
ربنا مايحرمنيش من كلامكم الحلو ده
وزى ما قلتى يا ايه
انا مضربتش حد على ايده اللى عايزنى بيعرف ازاى يجينى

مش عارفه انا هى الناس عايزه ايه بالظبط ولعلمك بعض الناس اللى متشددين اوى كده هما اللى بيعملوا افراحهم عادى وفى اختلاط واولهم واحده صحبتى طول ما احنا فالكليه تعلق على لبس دى ودى وتقول للبنات الاغانى حرام ومتعصبه واتصدمت لما حضرت فرحها سبحان الله
سيبك منهم وربنا بنا يوفقك وتبقى اشهر دى جى للافراح المنفصله فى مصر وخارج مصر كمان

تسلميلى يا احلى عروسة يارب
والله الموقف ده حصل معايا فعلا
بنت اخت داعيه اسلاميه فرحها كان باغانى عادى وانا اتفاجئت لطلبهم ده
بس على مين روقت عليهم طبعا
شكرا لمرورك يا حبى
ربنا يوفقك ويسعدك