حفلة اطفال معهد الاورام بدمياط

تم بحمد الله وبفضله اتمام الحفل الخيرى التطوعى
لاطفال معهد الاورام بدمياط
واطفال مؤسسة البنات بدمياط
واطفال جمعيه الطفل المتميز بدمياط

والحمد والشكر لك يارب
لانك اعنتنا على فعل الخير
والنيه خالصه لوجهك الكريم ابتغاء مرضاك وعفوك عنا

ضيوفنا الكرام نيجى بئه لبرنامج الحفله كان ماشى ازاى
__________________________

طبعا بدانا بالدى جى على انشوده اللهم صلى وسلم على سيدنا محمد
(عليه افضل الصلاة والسلام)
وبعد كده كان فيه شيخ جليل بدا باحلى الكلام وهو القران الكريم
وبعد كده منشد يالله على صوته وكلامه الجميل انشد انشودتى الا صلاتى وانشوده يا طيبه
وبعد ذلك كلمه من رئيس الجمعية
(جمعيه خير دمياط)

وبدأنا الفقرات

الفقرة الاولى كانت مقدمة من جمعيه الطفل المتميز
وكانت عبارة عن استعراض على 4 اغنيات
(الشعراوى _ارض الشرق _تحدى الابطال_رسالة الى العالم)
وكانت ماشاء الله عليهم اطفال غايه فى الروعه بارك الله فيهم
صور وسعى انتى وهيا تقرير حفله اطفال معهد الاورام بدمياط وصل وبالصور في منتدى فتكات
*********************
الفقرة الثانيه وكانت مقدمه من فتيات مؤسسة البنات
وكانت عبارة عن استعراضين على اغنيتى
(سنانى واوا لطيور الجنه _نعالو نحلم نبقى كبار)
ومسرحيه صغيرة هدفها انهم يحثو على مساعدة الاطفال المحتاجين
*********************
الفقرة الثالثه وكانت عبارة عن القاء شعر لسيدة جليله ومتطوعه
وكلمة للاستاذ / عميد كليه التربيه
وكلمه لدكتور كندى فى زيارة له لمعهد الاورام
*********************
الفقرة الرابعه وكانت عبارة عن اسئلة والعاب ولعبه الكراسى الموسيقيه
فيها جاوب الاطفال على الاسئله ماشاء الله على ذكائهم
والفايز اخد جايزة واللى مجاوبش ايضا اخد جايزة
*********************
الفقرة الخامسه ودى كانت للدى جى
وكانت فقرة رائعه رائعه رائعه
وتكمن روعتها فى ايه
لما نادينا وقولنا يلا بينا على المسرح علشان نرقص ونهيص مع الاطفال
كان الكبار قبل الصغار بيجرو وبيتسابقو للوصول للمسرح علشان يغنو ويرقصو مع الاولاد والبنات
يااااااااااااااااااااااااه
حقيقى كان منظر جميل
الاطفال فى دواير جوا بعضها والكبار فى ايدى الصغار
واللى تلاقيه شايل طفل على اكتافه بيرقص بيه
واللى تلاقيها ماسكه اطفال فى ايديها وبيعملو قطار سريع
بجد حقيقى كانت فقرة جميله
صور وسعى انتى وهيا تقرير حفله اطفال معهد الاورام بدمياط وصل وبالصور في منتدى فتكات
صور وسعى انتى وهيا تقرير حفله اطفال معهد الاورام بدمياط وصل وبالصور في منتدى فتكات
وطبعا ما ننساش ان اثناء فقرات الحفل تخلله اذان العصر
وفى الاثناء دى قمنا بتوزيع وجبات الغدا على الاطفال وشنطه الخير
وشنطه الخير كان فيها
(كيلو عسل _ باتيهات _فشار _ولعبه _وكراسه تلوين والوان)
***********************
واخر فقرة كانت معانا هى فقرة الرسم والتلوين
ورسم فيها الاطفال ولونو واحلى رسمه فاز بيها الطفل حارث واخد جايزة ورفعوه الشباب على اكتافهم وهيصو ليه

وطبعا يا جماعه مشكورين الناس الى حضرو وكانوا بالصدفة جايين الحديقة مع اولادهم حضورهم والله
واتبرعو بحاجات كتير مش هقول هي ايه لان دى لوجه الله مش مقصود منها التظاهر
وطبعا شاركو الاطفال لعبهم وفرحتهم واولادهم شاركو ايضا ومكانش فى فرق بين اولادهم والاولاد اللى كانو موجودين فى الحفله
جزاهم الله كل خير على حضورهم وجعله الله فى ميزان حسناتهم
*****************************************************
وطبعا يا جماعه نستغلها فرصه ونشكر الناس اللى تطوعو فى الحفل

شكر لكل من شارك سواء بوقته أو بجهده أو بماله

شكر خاص جدا لأولئك الجنود المجهولين ومن وراء الكواليس الذين يعرفوا ونعرف أيضا أن بدونهم لن تكتمل فرحتنا

وأتقدم بباقة ورد عطرة لكل من :

- معهد الأورام بدمياط
نادي الأمل - المكان المفضل للاحتفال باللحظات الحلوة والذكريات التي لا تنسى
دى جى رؤى للافراح الاسلامى (احلى فرح لاحلى عروسه)
قناة الحكمة الفضائية - التردد : 11316 - استقطاب:عمودي - معدل الترميز : 2750 - رمز التصحيح : 3/4 - على مدار القمر الصناعي النايل سات
vianco - للتصوير السينمائي والتلفزيوني
ستوديو هلال - ستوديو وفيديو
أكشن للدعاية - وكالة شاملة للدعاية والإعلان
الطفل المتميز - مؤسسة لرعاية الأطفال ذوي الاحتياجات الخاصة
وأنا كمان عاوز أعمل خير - جمعية خيرية بالمنصورة
حلواني شريف الزيني - أرقى الحلويات الشرقية والغربية
مجلة فرصة - جريدة إعلانية شهرية
شباب الخير - جمعية رسالة فرع دمياط
مجلة الدليل - مجلة إعلانية شهرية

أسمى معاني الشكر والتقدير لكل المتطوعين والسادة الضيوف على تشريفهم لنا ومساعدتنا في رسم بسمة على وجوه أطفالنا.
**************************************
ضيوفنا الكرام اتمنى اشوفكم يارب على خير وفى الخير
والى لقاء اخر مع تقرير اخر لحفلة اخرى
اترككم فى رعايه الله وامنه

ميرسى يا جوليت على زوقك ده
عقبال لما نعملك فرحك يا سكرة