ليه فرح منفصل؟

فى بداية حديثى احب اهنى كل عروسة ناويه تعمل فرحها اسلامى منفصل
ليه؟ اقولكم
اولا هو مرضاة لربنا ورسولة اننا نعمل فرح منفصل السيدات فى مكان والرجال فى مكان لان ده بيمنع النظرة الحرام لان كل واحدة بتبقى جايه الفرح بتبقى فى احلى وابهى زينتها وده بيدى فرصة للشباب فى الافراح المختلطة انها تنظر للفتاة نظرة محرمة
ثانيا لاعتبارات اجتماعية كتيييييييييييير وهى
* ان البنات تاخد حريتها فى الفرح اكتر وتفرح للعروسة بزيادة لما يكونو براحتهم مفيش شباب يتحرجو منهم
*ممكن تكون العروسة عايزة تلبش بدلة زفاف مدلعة شوية ومن هنا تيجى نقطة الغيرة عند العريس مش عايزها حد يجرحها وبالتالى تاخد راحتها من غير تحكمات
* الفرحة بتبقى احلى لما يكون الكل حريم فى بعض الصغير والكبير الكل بيفرح وبيرقص وبيغنى للعروسة بالتالى بيبقى الفرح له جو تانى كل مرح وفرح
ثالثا ودى اهم نقطة ان شبابنا اليوم مش عارفة ايه اللى حصلة مبقاش فيه نخوة الواحد من دول يدخل الفرح وايده الموبايل وهات يا تصوير فى البنات الللى بترقص واللى بتضحك واللى بتسلم على حد ويقولك بينهم علاقة ويااااااااااااااااااااااااه على اللى بنشوفه فى الافراح
وده ما يمنعش برضة ان فى بنات مش بريئة خالص ازاى ؟ اقولكم
الواحدة من دول تدخل الفرح وتقعد تصور البنات اللى بترقص وطبعا واخدين راحتهم على اعتبار انه حريمى فقط وتخرج من الفرح تفرج طوب الارض على الصور والمقاطع واللى اخوها يشوف الموبايل واللى جوزها يشوفه ويجى الشباب معدومى الضمير وعلى اليوتيوب يا معلم ويقوم منزل المقطع وتبقى فضيحة للبنت والفرح
ومن هنا يا جماعة يا ريت بجد ننبه على كل صاحباتنا وحبايبنا بلاش الموبايل فى الفرح لان مش كل الناس نواياها حلوه ولا ايه؟

مطولش عليكم النهاردة ووعد مرة تانية اكتب المزيد
وصدقونى ده من واقع خبرتى فى شغلى 10 سنين افراح اسلامى شوفنا الحلو وشوفنا الوحش
المرة الجاية اخبار جديدة