السينابون.... تعالي و جربي...

بما انكوا شجعتوني بقى .. جايبالكم طريقة السينابون انهاردة.. كنت مطبقاها من قناة فتافيت

المقادير:
1.5 كوب حليب ساخن
0.5 كوب زبد طري
0.5 كوب سكر بودر
1 بيضة مضروبة
4 كوب دقيق منخول
ملعقة خميرة فورية
رشة ملح
للحشو:
قرفة مطحونة+سكر بودرة أبيض او بني +زبيب حسب الرغبة
الطريقة :
-اخلطي الحليب الساخن +الزبد+السكر+الملح و اضربيهم بالمضرب السلك كويس لحد ما يدوب الزبدة و السكلا في اللبن ..
-بعدين أضيفي عليهم البيضة و اضربي كويس..
-و اخيرا ضيفي الدقيق بالتدريج و اعجني كتير 5 دقايق مثلا لحد ماتبقىالعجينة لينة و ما تلزقش في ايدك ...و بعدين رشي حبة دقيق و افردي العجينةبايدك او بالنشابة و طبقيها تاني 5 مرات مثلا .. و بعدين غطيها و سيبيهافي مكان دافي تتخمر و ترتاح لمدة ساعتين تلاتة .. حتلاقيها منفوخة بالهواءبعد ما تتخمر..
- بعد ما تخمر افرديها بالنشابة و تحتها رشة دقيق عشان ما تلزقش... افرديها على شكل مستطيل .... و يكون سمكهانص سم ...
- هاتي زبدة طرية او سايحة و ادهني العجينة المفرودة بيها ما عدا الأطراف عشان تمسك في بعض لما تلفيها ....
- رشي سكر بودرة ... فوق الزبدةرشي قرفة مطحونة و الكميات حسب الرغبة ..
ممكن ترشي زبيب او جوزة الطيب (و في ناس بتحب بدل القرفة ممكن شيكولاتةبودرة و الصوص عليها من فوق بعد ما تستوي يكون شيكولاتة صوص برده(
-بس كدا .. امسكي العجينة و لفيها رولل زي السويسرول كدا ... و هاتي سكينةعريضة و قطعي العجينة بالعرض (يعني انت بعد ما لفيتيها بقى قدامك اسطوانةكدا قطعي الاسطوانة دي بقى عرض 3 صوابع كإنك بتقسميها كدا ل5 اقسام مثلا )....
-نضغط كل حبة من الأسفل لأعلى من المركز لتبرز كالوردة ...
-و حطي القطع دي في صينية مدهونة زبدة ..و تكون متباعدة عن بعض قليلا مقدار اصبع عشان لما تستوي حتنفخ
-اتركيها نص ساعة كمان تخمر
و حطيها فيا الفرن الرف اللي في النص(180درجة) و سيبيها تستوي تلت ساعة مثلا لحد ما يبقى لونها دهبي كدا .. و تكوني مولعة الفرن قبل نا تحطيها بتلت ساعة ..
بعد ما تطلع من الفرن .. صبي عليها الصوص .. و هو ممكن يكون شيكولاتة اوالصوص الابيض بتاعها

طريقة الصوص: ..
2 علبة جبنة كيري+علبة حليب مكثف محلى و اضربيهم في الخلاط .. و صبيها على السينابون
أو

كريم تشيز +سكر ناعم+بشر ليمون.(بس دي لسة ما جربتهاش


للأسف ماعنديش صور غير بعد ما طلعتها من الفرن و كان عندي ضيوف و كنت مستعجلة